“Barselona” jamoasi hujumchisi Lionel Messi kelajakda o‘z faoliyatini “Nyuells Old Boyz” futbol klubida davom ettirish istagi borligini aytib o‘tdi, deb xabar beradi “Chempionat”.
“Men o‘z faoliyatimni ‘Nyuells Old Boyz’ jamoasida davom ettirishni istar edim. Bu qachon amalga oshishini va umuman amalga oshadimi yoki yo‘q, bilmayman. Hozir e’tiborimni har kungi ishga qaratyapman. Agar bu narsa amalga oshsa ham, bir necha yildan so‘ng bo‘ladi. Biroq ertaga nima bo‘lishini hech kim bilmaydi”, – deydi argentinalik futbolchi.
Ma’lumot uchun, “Nyuells Old Boyz” Argentinaning Rosario shahrida joylashgan klub bo‘lib, Lionel Messi futboldagi ilk qadamlarini aynan shu jamoada qo‘ygan.
Manba
