Italiyadagi Carpigiani zavodi qoshida dunyodagi eng birinchi muzqaymoqlar muzeyi ochildi. Muzey ekspozitsiyalari uchun 450 kvadrat metr maydon ajratilgan bo‘lib, ularda dunyo muzqaymoqlari tarixi va brendlari bilan bog‘liq eksponatlar joy olgan. Shuningdek, bu yerga kelgan tomoshabin yevropalik alximiklar tomonidan asosan oqsuyaklar uchun tayyorlangan noyob muzqaymoq turlari hamda bundan bir necha yuz yillar ilgari yashagan odamlar qanday yaxna ichimlik va muzlatilgan shirinliklar iste’mol qilgani haqida yetarlicha tasavvurga ega bo‘lishi mumkin.
