Aslida avtoolamdagi yangi ixtirolar Detroytdagi avtosalonda, eng zamonaviylari Jenevada, yuqoritexnologiyali mashinalar Los Anjelesdagi ko'rgazmada namoyish etiladi. Biroq, Manxettendagi bu yilgi ko'rgazma ham qiziqarli bo'lishi kutilmoqda. 25 mart kuni Javits Centerda ochiladigan avtosalon yangiliklarga boy bo'lishi bashorat qilinmoqda. Blumberg agentligi ushbu voqeaga doir o'zida mavjud ma'lumotlar bilan o'rtoqlashgan. Quyida, Nyu York avtosalonida namoyish etilishi kutilayotgan 5ta yangilik bilan tanishing, deb yozadi "KUN.UZ".
1. Acura MDX (2017)
Yaponiyaning Acura kompaniyasi ishlab chiqaruvchi yo'ltanlamaslarga Ame¬ri¬kada qiziqish katta bo'lsada, o'tgan yili ayni model savdosi 11%ga pasaygan. Ammo MDX savdolar bo'yicha BMW X5dan ko'proq sotilgan.
2. Nissan GT-R (2017)
Nissan GT-R ning avtomobil bozoridagi o'rnini baholash ancha mushkul. U God¬zil¬la nomi bilan yapon drifterlaridan tortib Dubay shayxlarigacha butun dunyoda mashhur. Shunga qaramay, so'nggi vaqtlarda GT-R ham bozorda o'z o'rnini bo'shatib qo'ymoqda.
3. Lincoln Navigator (2017)
Ulkan jip har doim kishining diqqatini tortishi aniq. Garchi Amerika avtosanoati qimmatbaho sedan va kupelar ishlab chiqarish bo'yicha boshqa yetakchilardan ortda bo'lsada, jiplar ishlab chiqarishda Detroytga yetadigani yo'q. Muammo shundaki o'tgan yili sotilgan har bir Lincoln Navigator hissasiga 3ta General Motors ishlab chiqqan Cadillac Yescalade to'g'ri keladi.
4. Toyota Highlander (2017)
Albatta, Toyota Lincolnning tantanasini yo'qqa chiqarishga harakat qilib ko'radi. Dastlab, Highlander hashamatli hisoblanmasdi, ammo yillar o'tishi bilan modelda yangi imkoniyatlar paydo bo'ldi. Endilikda , unda bir nechta ekran, Wi-Fi portlarni ko'rish mumkin. TrueCar tahlilchisi Erik Lay¬man bashorat qilishicha, yangi Highlander Prius va Lexusning ayrim jihatlarini o'zida mujassam etadi. Tasavvur qiling: siz 7 kishilik Elaquo;sportEnot;kaEnot;rEraquo; egasisiz!
5. Subaru Impreza (2017)
Bugungi kunda Subaru asosiy boshog'rigi shundaki, kom¬pa¬niya talabga javob bera olmayapti. Albatta, mijozlar ancha dabdabali, xavfsiz va keng bo'lgan Forester hamda Outback ni xarid qilishga oshiqadi. Ixchamgina Impreza xetchbeki esa Subaru unchalik ham muhim emas. Ammo, shu haftada bizga namoyish etiladigan model kompaniyaning yagona yangi platformasi negizida ishlab chiqariladi.
Garchi, Nyu York avtosalonida ushbu avtomobillar namoyishiga barcha intiq bo'lsada, unutmang, kutilmagan hodisalar har doim ro'y berib turadi.