Oziq-ovqatlarning xavfli ekanligi haqida ogohlantirish zararli mahsulotlarni iste’mol qilishni ko‘paytiradi. Bu haqda Arizona shtati universiteti olimlarining tadqiqotlariga tayanib, “Korrespondent.net” xabar bermoqda.
Tadqiqotchilar sog‘liq uchun ziyon yetkazadigan ozuqa mahsulotlarining foydali va zararli ekanligi haqida ogohlantirish qanday ta’sir ko‘rsatishini aniqlash maqsadida bir qator tajribalar o‘tkazdi.
Parhezga amal qilayotganlar bu ogohlantirishlarga boshqalarga nisbatan o‘zgacha munosabatda bo‘lishi aniqlandi. “Barcha shirinliklar sog‘liq uchun zararli” deb xabar olganlar “Barcha shirinliklar sog‘liq uchun foydali” deb xabar olganlarga nisbatan uchdan bir qismga ko‘proq shokolad chipslarini iste’mol qilgan. Tajriba ostidagi parhez tutmayotganlarda esa bunday o‘zgarishlar kuzatilmagan.
Tadqiqotlarga ko‘ra, taomlarning ham foydali, ham zararli ekanligi haqidagi ma’lumotlar sog‘liq uchun ziyon keltiruvchi taomlar iste’molini parhez tutayotganlar orasida 47 foizga kamaytirdi.
Aynan shu turdagi ogohlantirishdan ijtimoiy reklamalarda foydalanish tavsiya qilindi.
