Медузалар шу даражада кўпки, илиқ қирғоқбўйи зонасида сувнинг туби кўринмайди. Узоқдан сув юзаси юпқа муз билан қоплангандай бўлиб кўринади.
Олимларнинг фикрича, медузаларни кўрфазга жанубий шамол олиб келган. У ўз йўналишини ўзгартириши билан улар яна денгиз қаърига қайтиб кетади, дея хабар беради Вести.Ru. Бундан ташқари, ҳозир медузаларнинг кўпайиш даври.
Севастополь аҳолиси ва меҳмонлари бундай ғаройиб ҳодисадан ҳайратда, улар денгиз медузаларини томоша қилиш учун махсус келишяпти. Бу, айниқса, балиқчиларни қувонтирмоқда, чунки медузаларни денгиз олабуғаси жуда яхши кўради, шу боис бу балиқни ҳозир пирснинг ўзидаёқ ушлаб олиш мумкин.
