#1 Zahiriddin Muhammad Bobur 1483-yil 14-fevralda Andijonda dunyoga kelgan. Ota tomondan Sohibqiron Amir Temurga 5-avlod hisoblanadi.
#2 Otasi Umarshayx Mirzo baxtsiz hodisa tufayli olamdan o’tgach, 12 yoshli Bobur Farg’ona taxtiga o’tirgan.
#3 Bobur so’zi fors tilidan olingan bo’lib, "she’r, yo’lbars” degan ma’noni anglatadi.
#4 Bobur juda kuchli va baquvvat inson bo’lgan. Ikki yelkasida ikki odamni ko’tarib, qal’a devorlari ustida mashq qilgani aytiladi.
#5 Bobur yo’lida uchragan har qanday daryoni suzib o’tar edi. Ikki marta Ganga daryosini suzib o’tgan.
#6 Panjob hududlari qadimda Amir Temur davlati tarkibiga kirgani hisobga olinsa, Bobur Hindistonning butkul qonuniy hukmdori edi.
#7 Bobur Hindistonga 5 marta yurish uyushtirgan. Beshinchi yurishi davomida Panipat jangida Ibrohim Lodiyni yengib, Hindistonni qo’lga kiritgan. 12 ming kishilik qo’shin bilan 100 000 askar va 1000ta fildan iborat katta qo’shinni mag’lub etgani tarixiy manbalarda qayd etilgan.
#8 Bobur Hindistonda 3 asrdan ortiq hukm surgan imperiyaga asos solgan. Bu davlat Hindiston tarixida eng uzoq yashagan davlat hisoblanadi.
#9 Bobur 4 o’g’il farzand ko’rgan: Humoyun Mirzo, Komron Mirzo, Askariy Mirzo, Hindol Mirzo. Biroq afsonalarda uning yana bir o’g’li bo’lgani aytiladi. Oltin beshikka solib tashlab ketilgan chaqaloqni ming urug’i oqsoqoli topib olib, voyaga yetkazadi. Ushbu "Oltin Beshik” afsonasi Qo’qon xonligi taxtini ming urug’i vakillari egallashi uchun asos bo’lgan.
#10 Bobur Agrada vafot etgan va bo’lajak Toj Mahal qarshisida dafn etilgan. Keyinroq o’zining vasiyatiga ko’ra qabri Kobulga, Bog’I Boburiyga ko’chirilgan.
