Xitoyning Guanchjou shahri rasmiylari Zika virusi bilan kasallanishning yangi holati aniqlanganini ma’lum qildi. Xavfli virusni yuqtirib olgan Venesuela fuqarosi shahar aeroportiga Moskvadan uchib kelganligi bildirilmoqda, deya xabar beradi “TASS”.
Ma’lum bo‘lishicha, 12-fevral kuni Xitoyga “Aeroflot” aviakompaniyasi reysi bilan Moskvadan uchib kelgan yo‘lovchilardan birida yuqori harorat qayd etiladi. Tahlil natijalari u Zika virusi bilan kasallanganini ko‘rsatadi. Ayni paytda venesuelalik kasalxonaga yotqizilgan.
Bu Xitoy hududida aniqlangan virus bilan bog‘liq ikkinchi holat. Oldinroq chetda kasallikni yuqtirib olgan Gansyan uyezdi fuqarosi haqida ma’lum qilingandi. U hozir salomatligini tiklagan va kasalxonadan chiqqan.
Manba
