Ba’zan, ammo har doim emas, shu bilan birga kamdan-kam holatlarda va juda ko‘pchilikda uchramaydigan vaziyat – dazmol topilmay qolishi hamda futbolkangiz g‘ijim ekanligini bilish-u, ko‘chaga chiqa olmay qolganingizda, nima qilish kerak?
YouTube foydalanuvchisi Piotr Wilczek bunday paytda nima qilish kerakligi tasvirlangan videoni tarmoqqa joyladi. Unga ko‘ra, futbolkani kiyim-ilgichga ilib, ostki qismidan 5–6 ta qistirg‘ichlar bilan turli tomonga tortib qo‘yish kerak. Shundan so‘ng, unga suv-purkagich bilan suv sepasiz, keyin esa uning ostidan ventilyatorni yoqib qo‘yasiz va yana futbolkaga suv sepib, o‘zingiz bir piyola choy ichib kelguningizgacha, futbolka g‘ijimlardan holi bo‘lgan bo‘ladi
Videoda ko‘ringanidek, bu usul samarali va xavfsiz ekanligini inobatga olib, sinab ko‘rish ham mumkin.
