Xitoydagi bilim yurtlaridan birida beg‘araz do‘stlik va oliyjanoblikning yorqin namunasi namoyon bo‘ldi: talabalardan biri uch yildan buyon mushak distrofiyasi (to‘qima va a’zolarda moddalar almashinuvining buzilishi)ga uchragan do‘stiga yordam berish maqsadida uni yelkasida ko‘tarib, mashg‘ulotlarga olib keladi.
18 yoshli Se Syuy 19 yoshli Chjan Si bilan 3 yil avval — birgalikda Szyansu provinsiyasining Syuychjou shahridagi bilim yurtiga o‘qishga kirganida tanishgan.
Bo‘yi 1,73 metr, og‘irligi 75 kg bo‘lgan Se o‘rtog‘iga darslarga qatnashishda ko‘maklashishga qaror qildi. O‘spirinlar yotoqxonada yashaydi, har kuni Se Chjanni xonadan o‘qishga olib boradi va yana qaytarib olib keladi, shuningdek unga ovqatlanish, kir yuvish kabi maishiy masalalarda ham yordam beradi.
Sening aytishicha, u do‘stini yotoqxona va sinfxonalar bo‘ylab har kuni taxminan 10 marta tashiydi. Yigitlarning har ikkisi ham mehnatsevar bo‘lib, yaxshi o‘qiydi va universitetga kirishni intiqlikni bilan kutmoqda.
