Shu yilning
23 may kuni Rossiyada OAV hamda diler uchun "GM Uzbekistan" qo’shma
korxonasi tomonidan yangilangan Chevrolet Lacetti avtomobilining taqdimoti o’tkaziladi.Navbatdagi
yangi o’zbek avtomobili joriy yili 1 iyun' kuni Rossiyadagi barcha Uz-Daewoo
avtosalonlarida sotuvga chiqarilishi kutilmoqda. Ba'zi ma'lumotlarga ko’ra,
ushbu yangi tejamkor sedan bozorga 1,5 litr hajmli dvigatel' va 6 uzatmali
avtomat quti, shuningdek 122 ot kuchiga ega 1,8 litrli dvigatel bilan chiqariladi.
Ayrim OAVlar "Uzavtosanoat" kompaniyasining Italiyaning Iveco va Fiat
konsernlari bilan ham hamkorlik qilish
uchun shartnoma tayyorlayotgani haqida xabar bergan. Ma'lumotlarga ko’ra
"GM Uzbekistan" 2015 yilga borib Chevrolet Lacetti modelini ishlab
chiqarishni yiliga 30 mingtadan 50 mingtagacha oshirishni rejalashtirmoqda.
Eslatib o’tamiz, bundan bir qancha vaqt muqaddam,yangilangan Chevrolet
Lacettining Toshkent ko’chalarida sinovdan o’tkazilayotgani haqida xabarlar tarqalgandi.
