Iqlimshunoslarning ta'kidlashicha, 2100 yilga kelib ayrim davlatlarda odamlar issiqdan ko'chaga chiqa olmay qoladi . Nature Climate Change jurnalida nashr qilingan maqolada ta'kidlanishicha, havo 77 darajada isib ketishi mumkin.
Olimlar iqlimiy modelni yaratib, shu asosda 2100 yillarda Qatar, Bahrayn, Saudiya Arabistoni va BAAda ob-havo 35 darajada turib, namlik 100 foizga yaqinlashishini tushuntirib berishdi. Bu omillar yig'indisi natijasida havo 77 darajada isib ketganligi illyuziyasi hosil bo'ladi. Bunday ahvolda esa hatto sog'lom insonning organizmi ham ishlay olmaydi.
Shu bilan birga, olimlar Fors ko'rfazi davlatlarida bunday ob-havo o'n yilda bir marta, mavsumiy tarzda yuzaga kelishini ta'kidlashdi.
