VimpelCom Ltd Andrey Patoka MDH mamlakatlarida biznesni rivojlantirish bo‘yicha Ijro etuvchi Vitse-prezidenti etib tayinlanganligi haqida xabar beradi. Bugungi kunga qadar u VimpelCom OAJ (“Rossiya” biznes-birligi) infratuzilmani rivojlantirish bo‘yicha Ijro etuvchi Vitse-prezidenti lavozimini egallagan.
Voqeani sharhlar ekan, VimpelCom Ltd Bosh direktori Jo Lunder shunday dedi: “Andrey Patokani yangi tayinlov bilan tabriklayman. U bilan MDH biznes-birligining rahbari lavozimida ishlashni davom ettirishni mamnuniyat bilan kutib qolaman”.
“Menga bo‘lgan ishonchdan faxrlanaman, va yangi lavozim avvalam bor men uchun jiddiy mas’uliyat va professional chaqiruv. MDH o‘z tuzilishi bo‘yicha “VimpelCom”ning eng qiyin biznes-birligi hisoblanadi, lekin shu bilan bir qatorda kompaniyamizning tez rivojlanayotgan va istiqbolli segmentlaridan biridir. Bugun olti bozorning barchasi texnologik rivojlanishning navbatdagi bosqichi arafasida yoki jarayonida turmoqda, shuning uchun ayni paytda abonent o‘z ehtiyojlari va umidlari bilan diqqatimiz markazida bo‘lishi kerak deb o‘ylayman. Ishonaman-ki, mijozlarning qoniquvlarini oshirish ustida ishlash – MDH “Beeline” brendining o‘rnini mustahkamlashning eng to‘g‘ri yo‘lidir”, - dedi Andrey Patoka.
Andrey Patoka 1969 yilning 10 noyabr kuni tavallud topgan.
Mudofaa vazirligining Harbiy Krasnoznamenskiy institutini tamomlagan.
1992 yilda “Kombellga” OAJ savdo bo‘yicha menedjer lavozimiga ishga keldi. U yerda tijorat direktori o‘rinbosari lavozimigacha ko‘tarildi.
2002 yilda Patoka “Кominkom” tijorat direktori lavozimini egalladi, kompaniyadagi o‘zgarishlardan so‘ng esa 2003 yilda “SCS Sovintel” (“Golden Telekom” savdo belgisi) rivojlantirish bo‘yicha bo‘lim boshlig‘i o‘rnini egalladi. 2004 yilda Andrey halqaro va hududiy biznesni rivojlantirish bo‘limining rahbari etib tayinlandi. Keyinroq esa “Golden Telekom” bosh direktori o‘rinbosari lavozimini egalladi.
2008 yildan – “VimpelCom” OAJ korporativ bozorida biznesni rivojlantirish bo‘yicha Ijro etuvchi Vitse-prezidenti lavozimida a’lo natijalarga erishdi: uning rahbarligi ostida “Rossiya” biznes-birligining B2B segmenti bozor rivojlanishidan ham ilg‘or tempda rivojlanib, ko‘p marotaba eng yaxshi segment unvoniga sazovor bo‘lgan.
2014 yilda VimpelCom OAJ infratuzilmani rivojlantirish bo‘yicha Ijro etuvchi Vitse-prezidenti lavozimini egallagan. U yerda mijozlarga yondoshilgan yangi strategiya bo‘yicha tarmoqni rivojlantirishning izchil amalga oshirishni boshlagan. Shu bilan doimiy yaxshilanishlarga, aloqa sifatini oshirishga, tarmoqning ishonchliligi va innovatsion texnologiyalarni rivojlantirishga mustahkam poydevor qo‘yildi.
