Apple korporatsiyasi 4 dyuymli ekranga ega iPhone SE smartfonini taqdim etdi, deya xabar bermoqda Meduza. Bu kompaniyaning iPhone 5S chiqqanidan buyon birinchi 4 dyuymli smartfonidir — 6 va 6S modellari ancha kattaroq diagonalli edi.
iPhone SE 12 megapikselli qo‘sh vspishkali kamera bilan jihozlangan, u 63 megapikselgacha bo‘lgan panoramali tasvirni tushirish, shuningdek, 4K sifatidagi videolarni olishga qodir. Apple qurilmada ancha tezkorroq Wi-Fi va LTE bo‘lishini, batareyasi esa iPhone 5S’dan ko‘ra ko‘proq vaqt ishlashini va’da qilmoqda.
iPhone SE’ning narxi 16 gigabaytli versiya uchun 399, 64 gigabaytlisi uchun esa 499 dollarni tashkil etadi. Smartfon uchun oldindan buyurtmalar 24-martda ochiladi, savdolar esa 31-martda boshlanadi.
Manba
