Amerikaning butun iqtisodchilari byudjetdagi kamomadni to'ldirishni o'ylayotgan bir paytda maktab o'quvchisining taklifi hammani taajjublantirdi. Rossiya matbuotining bergan xabariga ko'ra, Pittsburgdan bo'lgan 14 yoshli maktab o'quvchisi Suvir Mirchandarining taklifi amalda qo'llansa, Qo'shma Shtatlar bir yilda 370 million pul tejashlari mumkin. Buning uchun ish o'rinlarini qisqartirish shart emas. Butun rasmiy hujjatlarni yaratishda foydalaniladigan "Times New Roman" va "Century Gothic" shriftlarini "Garamound" shriftiga almashtirish kifoyadir.
Suvirga maktab o'qituvchilari chop qilingan hujjatlarni berishgan. U tekshiruvlar olib borib, AQShda har yili hujjatlar chop qilinishi uchun 1,8 milliard dollar mablag' sarflanishini aniqlagan. Ekspertlar ham olib borgan tekshiruvlarda bu isbotlandi va eng tejamli shrift "Garamound" ekanligi aniqlandi.
