"Shevrole” (Chevrolet Motor Division) – General Motorsni yengil avtomashinalar ishlab chiqaruvchi bo’linmasi bo’lib, shtab – kvartirasi Michigan shtatidagi Detroyt shaharchasida joylashgan. "SHevrole Motor Car”ga 1911 – yilda General Motors asoschisi Vilyam Dyurant asos solgan. General Motorsdan ketgandan so’ng ko’p kompaniyalar yaratishni boshlagan. General Motorsdan ketayotganida o’zi bilan qiziqarli avto loyiha rejalarini ham olib ketadi. Va ushbu loyihalarni sayqallash uchun u o’sha paytning mashxur poygachisi Lui Shevroleni ishga taklif qiladi.
Asos solingan yili: 1911
Asoschilari: Lui Shevrole, Vilyam Dyurant
Joylashuvi: AQSH: Detroyt, Michigan shtati.
Produksiya: yengil va og’ir avtomobillar
Sayt: Chevrolet.com; Chevrolet.ru
Birinchi model – Classic Six (Klassik oltilik) 5 o’rindiqli sedan 6 silindrli dvigatelli 30 ot kuchiga ega bo’lgan, elektr yoritgichli, to’rt eshikli bo’lgan bu mashina 1912 - yilda taqdim etilgan.
Keyingi model – Little Four (Kichik to’rtlik) – 4silindrli dvigatelga ega bo’lgan. Ammo ushbu avto 2500 dollarni tashkil qilgani, xaridor uchun qimmatlik qilgani uchun uncha omadli bo’lmagan. O’sha paytdagi Ford – T undan 5 marta arzon bo’lgan. Shundan so’ng, Vilyam Dyurant avtomashinalarni omadi ularni oddiyligi va arzonligida ekanligini tushunib yetadi. Keyinchalik esa qimmat bo’lmagan 4 silindrli mashinalar – Baby Grand va sport poygalari uchun Royal Mail kabi mashinalarni chiqara boshlaydi.
1914 – yilda aynan ushbu modellarda birinchi marta kompaniyaning mashxur logotipi – babochka-galstuk mavjud bo’lgan. 1916 – yilda kompaniya tomonidan Chevrolet-490 avtosi ishlab chiqarilgan va u kompaniyaga ulkan obro’ olib kelgan. Ushbu arzon, lekin ishonchli, mustahkam mashinalar keyinchalik xuddi Ford kabi mashxur bo’la boshladi. Chevrolet-490da 3 bosqichli uzatish korobkasi mavjud edi. 1917 – yilda kompaniya V-obrazli, 8 silindrli dvigatellar chiqara boshlagan. Chevroletni dizayner va injenerlari dunyo avtomobili rivojiga o’zlarining ulkan xissalarini qo’shishgan. 1923 – yilda havo sovutgichiga ega bo’lgan dvigatel ishlab chiqishga muvaffaq bo’lishgan.
"Buyuk depressiya” davrlarida Chevrolet avtomashinalar sotish bo’yicha Ford korporatsiyasini ortda qoldira boshladi. 1935 – yilda Suburban Karriol nomli ko’p o’rindiqli universal yengil mashina ishlab chiqildi va bu bilan kompaniya yangi klassdagi yengil avtomobillar davrini boshlab berdi. 1950 – yildan boshlab injenerlar o’zlari chiqarayotgan mashinalarga avtomat korobkalarni joriy qilishni boshladilar. 1953 – yilda Korvett nomli yangi sportive mashina omma e’tiboriga taqdim etiladi.
Uning kuzovi plastic oynadan yasalgandi. Ushbu mashina o’zini ko’rsata oldi, uning 100 km/soat tezlikka chiqishi uchun 5.5 sekund kifoya qilardi. 1984 – yilda Korvett – kupe va kabriolet ko’rinishida V-obrazli 8 silindrli dvigatelga ega bo’lgan variantlari taqdim etiladi. 1965 – yilda Malibu modeli chiqarilgan.
Monte Carloning chiqishi 1969 – yilda bo’lib o’tgan.
Hozirgi vaqtda dunyoga mashxur modellari Blazer, Venture. Venture ilk marotaba zamonaviy ko’rinishda 1995 – yilda San Pauloda taqdim etilgan.
O’rta o’lchamli klasslar ichida shubhasiz Lumina liderlik qilmoqda. Qo’shma shtatlarda "Texas limuzini” deb nom olgan lyuks klassdagi Suburban modeli ham avtomashina ixlosmandlarini o’ziga jalb qilmoqda.
