Hozirda butun dunyoda bir chelak muzdek suvni ustidan quyib, "Ice Bucket Challenge" fleshmobini amalga oshirish "hit" bo'lib ketdi. Hattoki ko'plab mashxur insonlar, kompaniyalar rahbarlari bu ishni amalga oshirishdi. Tinib tinchimagan o'zbeklar ham bu ishni amalga oshirishga qaror qilishibdi.
Videoni yuklab olish (2.1 mb)
Biz video mualliflaridan biri bo'lgan Doston Absalomov bilan bog'lanishga muvaffaq bo'ldik va ularga bir qancha savollar bilan murojaat qildik.
- Gooper.uz: Assalom aleykum. Bu ishni qilish g'oyasi qanday paydo bo'ldi?
- Doston Absalomov: Assalom aleykum. Bunday hayriya videolavhalari butun jahon bo'ylab tarqalmoqda. Biz "Ice Bucket Challenge"ni internet va televideniya orqali ko'rib, shu ishni bajarishga ahd qildik.
- Gooper.uz: "Ice Bucket Challenge"ni qoidalariga ko'ra, bu fleshmobni qaytarishga taklif olgan odam 24 soat ichida buni amalga oshirishi kerak. Agar amalga oshira olmasa kamida 100 $ hayriya qilishi kerak. Sizlar kimdan taklif oldingiz?
- Doston Absalomov: Biz hech kimdan taklif olmadik.
Gooper.uz: Fleshmobni amalga oshirgan inson 10 $ hayriya qilishi kerak. Hayriyani amalga oshirdingizmi?
Doston Absalomov: Ha deb javob bera olmaymiz, lekin albatta hayriyani amalga oshiramiz!
- Gooper.uz: Hozirda "Ice Bucket Challenge" ni amalga oshirish dunyo bo'ylab "hit"ga aylandi. Ko'plab mashxur odamlar, kompaniya rahbarlari bu ishni amalga oshirishdi va bu hali ham davom etmoqda. Bilishimizcha O'zbekistonda bu ishni birinchi bo'lib sizlar amalga oshirgansizlar, nima deb o'ylaysiz?
- Doston Absalomov: Biz bu ishni O'zbekistonda birinchi bo'lib qildik deb ayta olmaymiz, chunki kimdur shu ishni bajargan, faqat videoga olmagan bo'lishi mumkun. Biroq biz bu ishni videoga oldik va ommaga taqdim etdik.
- Gooper.uz: "Ice Bucket Challenge"ni amalga oshirgan inson, bu ishni qaytarishni taklif qilib boshqalarga so'rov jo'natadi. Sizlar "Ice Bucket Challenge"ni amalga oshirib kimga taklif jo'natdingizlar?
- Doston Absalomov: Do'stlarimizga, barcha o'zbeklarga. Ammo bizga hali hech qanday javob videolavha kelgani yoq! Tez orada javob olamiz deb umid qilamiz!
- Gooper.uz: O'ylaymizki, tez orada javob tariqasida amalga oshirligan video lavhalar ko'payib ketadi. Savollarimizga vaqt ayamay javob berganingiz uchun rahmat. Gooper.uz jamoasi sizlarga omad tilaydi!
- Doston Absalomov: Raxmat!!! Sizlarga va barcha Gooper.uz o'quvchilariga omad va ulkan baxt tilayman!
Bu fleshmobda to'rtta yigit ishtirok etganlar. Ularning ismlari Doston Absalomov , Dadaxon Jumaniyozov, Hasan va Husan Nazirovlar.
Ergashev Mirmuhammad, Gooper.uz uchun maxsus
