Banan banansimonlar oilasiga mansub koʻp yillik tropik oʻsimlik bo’lib, uning vatani Afrika va Osiyoning tropik va subtropik zonalari hamda Malayya arxipelagi hisoblanadi. Asosan, Lotin Amerikasi mamlakatlarida oʻstiriladi.
Bananning boʻyi 15 m gacha boradi, bargi yirik (uzunligi 4 m gacha, eni 90 sm gacha). Uning 40 ga yaqin turi bor. Guli qoʻsh jinsli. Mevasi rezavor meva. Bir tup mevada 300 tagacha mevasi bor (60 kg gacha). U partenokarpiya usulida (otalanmasdan) meva hosil qiladi, shuning uchun urugʻi puch. U ildiz bachkilari yordamida koʻpayadi.
Banan mevasi xoʻlligicha hamda quritilgan holda isteʼmol qilinadi. Ular xom paytida yig‘ishtirib olinadi va yashil holatda sotiladi. Ularning biz biladigan sariq tusga kirishi (pishishi) esa uni tashish va saqlash jarayonida yuz beradi.
Quyidagi suratlarda banan yetishtirish va tashishni Kosta Rika misolida ko’rishimiz mumkin.