Ba’zan kutilmaganda ro’y beradigan noxush hodisadan ham yaxshilik kutish mumkin ekan. Yaqinda Saudiya Arabistonida ro’y bergan yo’l transport falokatida aynan shu fikr o’z isbotini topdi.
Ya’ni ushbu halokat avvallari bir-birining borligidan mutlaqo xabari bo’lmagan ikki aka-ukaning topishishiga yordam berdi.
Gap shundaki, Arriyod va Madina shaharlarini bog’lovchi katta trassada ikkita mashina bir-biri bilan tasodifan to’qnashib ketishdi. Odatda bunday hollarda har ikki taraf ham o’zining haqligini isbotlash maqsadida baqir- chaqirga tushishadi. Bu gal ham xuddi shunday bo’ldi.
Dahanaki jang paytida bu yerga yetib kelgan politsiyachi hujjatlarni sinchiklab tekshirayotib, g’aroyib holga duch keldi. Ya’ni to’qnashib ketgan haydovchilar aka-uka ekanlar. Jabrlanganlardan biri bu haqda shu joyning o’zida turiboq otasiga qo’ng’iroq qildi. Ota ham avval uylangani va u ayolidan ham o’g’li borligini tan oldi. Shundan keyin yigitlar bir-birlarining mahkam bag’riga bosgancha birgalikda otasining oldiga yo’l oldilar.
