13.05.2014, 13:38 Qiziqarli...

Ish haftasining boshi bo‘lgani uchunmi, dushanbani ko‘pchilik uncha xush ko‘rmaydi. Dushanba – og‘ir kun, degan qarash qanchalar to‘g‘ri va bu kun odamlarning ish faoliyatida qanday o‘rin tutadi? Tinib-tinchimagan olimlar shuniyam tahlil etib ko‘rib, quyidagi antiqa xulosalarini berishgan:

1. Odamlarning ko‘pchiligi dushanba kuni to soat 11:16 gacha jilmayishmaydi.

2. Dushanbaga bo‘lgan nafratga qarshi kurashishning eng yaxshi usullari TV tomosha qilish, on-layn xarid, shokolad yoki kosmetika sotib olish, shuningdek, mehnat ta’tiliga chiqishni rejalashtirish hisoblanar ekan.

3. Ishchilarning 50 foizi haftaning ayni shu kuni ishga kechikib kelishadi.

4. Ko‘pchilikka dushanbadan nolish uchun 12 daqiqa vaqt yetarli bo‘lar ekan.

5. “Dushanba sindromi”dan asosan 45 dan 54 yoshgacha bo‘lgan kishilar aziyat chekishar ekan.

6. Bu kunlari ishchilar o‘z ish unumdorligini atigi 3,5 soat davomidagina saqlab turishadi.

7. Dushanbalarda boshqa kunlardagiga qaraganda xudkushliklar ko‘proq sodir etiladi.

8. Bu kunlari infarkt qurbonlari soni 20 foizga oshadi.

9. Haftaning nisbatan kam yomg‘ir yog‘adigan kuni ham dushanba ekan.

10. Bitta yoqimli ma’lumot: dushanba kunlari mashina sotib olish uchun eng maqbul vaqt sanaladi. Chunki dam olish kunlari asosiy savdolar bo‘lgach, sotuvchilar dushanbada savdo yaxshi bo‘lishiga uncha umid qilishmaydi va natijada narxlarda xaridorlarga ko‘proq yon bosishadi.

Albatta, bular barchaga birdek taalluqli emas, balki umumiy ahvoldan keltirib chiqarilgan faktlardir. O‘sha umumiy ahvolning yuqorirog‘i yoki pastrog‘ida bo‘lish esa har birimizning o‘zimizga bog‘liq. Barchangizga xayrli kunlar tilaymiz!

Manba:Turfaolam.com

Bo'lim: Qiziqarli... Fikrlar: 0

Fikr bildirish

Qaynoq xabarlar

DUSHANBA OG‘IR KUNMI?

Qaynoq xabarlar

Qiziqarli ma'lumotlar