Chevrolet Corvette superkarining ekstremal modifikatsiyasi hisoblangan Z06 Germaniyada Nyurburgring aylanasini 6 daqiqa 59,13 soniyada bosib o‘tib, Porsche 918 Spyder, McLaren P1 va Ferrari LaFerrari supergibridlari bilan birgalikda eng tezyurar yo‘l avtomobillari qatoridan joy oldi, deb xabar bermoqda “Motor.ru”.
Chevrolet Corvette Z06 650 ot kuchiga ega dvigatel bilan jihozlangan. Dvigatel olti darajali mexanik o‘tkazish qutisi yoki sakkiz diapazonli avtomatik o‘tkazish qutisi bilan ishlashga moslashtirilgan.
Nyurburgring aylanasida harakatlanish uchun Z07 paketi bilan jihozlangan superkar turgan joyidan 96 km/soat tezlikka chiqishi uchun 2,95 sekund yetarli bo‘ladi. Chevrolet Corvette Z06 General Motors konserni tarixidagi eng kuchli seriyali avtomobil hisoblanadi.
