Joriy yilning 3 mart kuni mashhur Forbes agentligi 2014 yilning eng boy insonlari ro’yxatini e’lon qildi. Dunyo milliarderlari ro‘yxatida birinchi o‘rinni Microsoft asoschisi Bill Geyts 76 milliard AQSH dollari bilan egallab turibdi.
Forbes ma’lumotlariga ko‘ra, bu yil dunyodagi milliarderlar soni 1645 nafarga yetdi, ularning umumiy boyligi esa 6,4 trillion dollarga yaqinlashdi. Milliarderlar ko‘pligi jihatidan avvalgidek AQSh yetakchi – ro‘yxatdagilarning 492 nafari amerikaliklar. Xitoy milliarderlari esa 152 nafarni tashkil etmoqda.
2014-yilgi eng badavlat kishilar ro‘yxatiga jami 111 nafar rossiyalik kirgan bo’lib, Rossiya fuqarolari orasida eng badavlat biznesmen Alisher Usmonov ekanligi qayd etdildi. U 18,6 milliard dollarlik sarmoyasi bilan umumjahon reytingida 40-o‘rinni egallab turibdi.
