Rekvizit so'zi teatr, kino, filmlarni suratga olishda foydalaniladigan narsalar, anjomlar demakdir. Gollivudda har yili bir necha minglab filmlar suratga olinadi. Shunday filmlarning suratga olish maydonlarida so'zsiz rekvizitlardan foydalaniladi. Ularni esa albatta, mahsus ana shunday omborxonalardan olib ishlatishadi. Aytish lozimki, bunday rekvizit omborlari bir nechta. Filmni suratga olayotgan ijodkor o'zi istagan anjomni, kelishilgan narxda, kelishilgan fursatga ijaraga olishi va foydalanishi mumkin. Bu omborda oziq-ovqat ko'rinishidagi, biroq iste'mol qilib bo'lmaydigan barcha taomlar, erimaydigan muzqaymoqlar, otmaydigan miltiqlar, yorilmaydigan to'p va sharlar, harbiylarga tegishli bo'lgan anjomlar va xokazolarni osongina topish mumkin. Ha aytgancha, omborxonada adashib qolmasangiz bo'lgani :)
