Ko`p hollarda imtihon oluvchi o`quvchi va talabalardan ma'lumotlarni deyarli kitobda yozilganidek so`zlab berishini talab qiladilar. Ko`p hajmdagi ma'lumotlarni yodlash qiyin emas. Asosiysi, ushbu jarayonga to`g`ri yondoshish lozimdir. Imtihonga tayyorgarlik jarayoni ko`p vaqt talab etadi. Har bir odamda miyyaning ishlash faoliyati eng yuqori bo`lgan ma'lum bir vaqt mavjuddir. Kimdir ma'lumotni ertalab oson yodlaydi, boshqalar - tushlikdan so`ng, ayrimlar uchun esa tuni bilan o`qish juda unumli. Siz esa o`zingizning "aktiv" bo`lgan vaqtingizni aniqlang va o`sha vaqtni o`qish uchun ajrating.
Miyaga ma'lumot, hammada har xil bo`lgan, o`zlashtirish kanallari orqali kelib tushadi. Ma'lumot qabul qilish bo`yicha odamlar: vizual, audial, kinestetik va diskretlarga bo`linadi. O`z ma'lumot qabul qilish turingizni aniqlashingiz uchun biror narsani ta'riflashga harakat qilib ko`ring. Misol uchun lola guli. Audial uchun odatda gulni og`zaki ta'riflash juda qulay, vizual uchun gul rasmini chizib berish oson, kinestetik - gulga nisbatan paydo bo`lgan xis tuyg`ularinigina eslab qoladi, diskret esa gulning faqatgina foydali taraflarini yod oladi(chunki diskretlar birinchi navbatta har bir narsaning foydasi tegishi mumkin bo`lgan tarafiga e'tibor qaratadi va hayotda foydalanish mumkinligini tekshiradi.
Audiallar
Audiallar uchun ma'lumotlarni tinglab yodlash unumli. Bu turga mansub odamlar uchun ma'lumotlarni tinglash yoki baland ovoz bilan o`qish foydalidir. Terminlarni og`zaki, huddi sher o`qigandek, ifodali o`qishga harakat qiling. Bu jarayonda o`zingizga yoqadigan qo`shiqdan foydalanishingiz mumkin, qo`shiq musiqasiga ma'lumotni moslashtirib o`qish aksariyat audiallar uchun juda unumli.
Vizuallar
Vizuallar aniq va tiniq ma'lumotni esda saqlashlari uchun sxema yoki chizmalardan foydalanishlari lozimdir. Agar siz vizual bo`lsangiz, ma'lumotni tahlil qilib chizmalar orqali ifodalashga harakat qiling. Unumli usul, ma'lumotlarni ifodalovchi rasmlarni devorlarga yelimlashdan iboratdir.
Kinestetiklar
Kinestetiklar uchun xis tuyg`u juda muhim. Imtihonga tayyorlanish uchun o`zingiz uchun yoqimli joyni, qulay kiyimlarni tanlang va h.k. So`ng ma'lumotni o`zingizga yoqimli bo`lgan tuyg`u bilan hayolingizga bog`lang(assotsatsiya hosil qilish).
Diskretlar
Diskretlar juda zo`r analitiklardir, ularga eng muhimi mazmunidir. Katta hajmdagi ma'lumotni yodlash uchun ma'lumotni kichik bo`laklarga bo`lib olish lozim. Ma'lumotdan oshiqcha bo`lgan so`zlarni olib tashlab, qoida qanday ishlashini tushunib olsangiz - siz uddalayolasiz.
O`zlashtirish kanali va "aktiv" vaqtdan tashqari organizmingizning umumiy holatiga ham e'tibor bering. Tayyorlanish jarayonida yaxshi ovqatlanishni va dam olishni unutmang, ratsioningizga vitaminlar qo`shing. Siz o`z hayotingizning yagona muallifsizdir. Siz uddalaysiz!
