O'zbekistondagi internet saytlar soni keyingi 5 yil ichida ikki barobar o'sishga erishgan va ayni vaqtda ularning soni 300dan ortiqni tashkil etmoqda. Bu haqda O'zbekiston prezidenti Islom Karimov 27 iyun kuni OAV xodimlariga Jurnalistlar kuni bayrami munosabati bilan yo'llagan tabrigida qayd etib o'tgan.
"Mamlakatimizda an'anaviy axborot vositalari bilan bir qatorda, internet jurnalistikasi ham jadal rivojlanmoqda. Keyingi 5 yilning o'zida veb-saytlarning soni 2 barobar ortib, 300 dan oshib ketgani mamlakatimiz milliy axborot makonining mazmuni va manzarasini tubdan o'zgartirishga xizmat qilmoqda", deydi Islom Karimov.
Prezidentning qo'shimcha qilishicha, nashrlarining 95 foizi mustaqil OAV hisoblanadi.
