Italiyalik modelyer Jorjo Armani o‘z kompaniyasi mahsulotlarida ortiq tabiiy mo‘ynadan foydalanilmasligini aytdi. Bu haqda Associated Press agentligiga asoslanib, “Gazeta.ru” xabar bermoqda.
Dizaynerning bayonotida aytilishicha, zamonaviy texnologiyalar jonivorlarga nisbatan “vahshiylik” qilishdan voz kechishga imkon beradi.
Tabiiy mo‘ynadan tayyorlangan mahsulotlar 2016-yilgi kuz/qish kolleksiyasidan boshlab Armani brendidan o‘rin olmaydi.
Armanining qarorini Xalqaro hayvonlarni muhofaza qilish jamiyati qo‘llab-quvvatladi.
Bundan oldin Hugo Boss, Calvin Klein, Tommy Hilfiger va Ralph Lauren singari brendlar tabiiy mo‘ynaning sintetik muqobillaridan foydalana boshlagan edi.
Manba