Olimlarning aniqlashicha, kam harakatli hayot tarzi 3,8 foiz o'limlarga sabab bo'ladi. Bu tadqiqot bilan American Journal of Preventive Medicine jurnalida tanishish mumkin.
Olimlar tadqiqot davomida 54 ta davlatdan olingan hayot tarzi va o'lim o'rtasidagi bog'liqlik aniqlangan, 2002 yildan 2011 yilgacha chop etilgan ilmiy maqolalarni tahlil qilishdi. Mutaxassislar quyidagicha xulosaga kelishdi: kam harakatli hayot tarzi 3,8 foiz o'limlarni keltirib chiqaradi. U semirish, infarkt va insult hamda umurtqa jarohatlariga olib keladi. Olimlarning fikricha, ko'p vaqt o'tirgan holda hayot tarzi kechiradiganlar ko'proq Tinch okeanining g'arbiy qismi, Yevropa va Shimoliy Amerikada eng ko'p, Janubi-Sharqiy Osiyo davlatlarida esa eng kam o'ladilar, deb yozadi "Kun".
"Biz shuni aniqladikki, agar odamlar stol oldida 10 foizga kamroq vaqt o'tkazishni boshlasalar, unda bu bir lahzadayoq va juda sezilarli ijobiy o'zgarishlarga olib keladi", deb qo'shimcha qildi ilmiy ish muallifi.
Olimlarning ogohlantirishicha, kuniga 3 soatdan ko'proq stol atrofida o'tkazish xavflidir, bundan tashqari, jismoniy zo'riqishlar haqida ham unutmaslik kerak.
