Kanadaning Toronto shahrida sirli tunnel topildi, deya xabar bermoqda Meduza. U 2015-yil yozida Panamerika o‘yinlari doirasida tennis bo‘yicha musobaqa bo‘lib o‘tadigan kortlar yaqinida joylashgan .
Yer osti yo‘lagining uzunligi taxminan 10 metr, kengligi va balandligi 2 metrni tashkil etadi. Shift professional ravishda qoziqoyoqlar bilan mahkamlangan. Bu tunnelni kim va nima uchun qazigani noma’lum.
Patrul politsiyachisi uni 14-yanvarda topib olgan, bu haqda rasman 24-fevral kuni ma’lum qilingan.
Toronto politsiyasi boshlig‘i o‘rinbosari Mark Saunders so‘zlariga ko‘ra, tunnelga tushish uchun narvon o‘rnatilgan, ichkariga yorug‘lik o‘tkazilgan. Chuqurga kirish joyining yaqinida elektr generator, havo kompressori va suv tortib chiqaradigan nasos topilgan.
Tunnelning o‘zida asboblar, bo‘sh butilkalar, oziq-ovqat konteynerlari va plastik lolaqizg‘aldoq gulidan tasbeh topilgan.
Politsiya tunnelning qurilishi qachon boshlangani, u oxiriga yetkazilgan-yetkazilmagani, u qayerga olib borishi kerak bo‘lganini bilmaydi. Politsiya butun shahar aholisiga yordam so‘rab murojaat qildi.
