Manchester Yunayted ustozi Lui van Gal kecha Midtyullanddan qabul qilingan mag'lubiyatdan so'ng (1:2) o'z fikrlarini bildirdi, deb yozadi "Championat.asia".
Menimcha bu mag'lubiyat Merfi qonuni bilan izohlanadi! O'yindan oldin asosiy darvozaboningiz jarohat olganlar ro'yxatida 14-bo'lsa bu juda g'alati.
Birinchi golni rekoshetdan o'tkazib yubordik, bu g'aroyib! Juda ham g'aroyib!
Ikkinchi bo'limda barcha yakkakurashlarda yutqazdik, barchasi. Lingardda gol urish uchun bir nechta imkoniyat bo'ldi. O'z uyimizda Midtyullandni mag'lub etishimiz kerak.
De Xeaning tizzasi jarohatlandi, tibbiy ko'rik natijalarini kutamiz, – deydi van Gal.
Eslatib o'tamiz, Merfi qonuni quyidagicha: agar qandaydir yomonlik sodir bo'lishi kutilayotgan bo'lsa, u albatta amalga oshadi.
