Microsoft kompaniyasi o'zining yangi Windows 10 operasion tizimini USB-fleshkalarda sotishni boshlashi mumkin. Bu haqda WinFuture.de portali xabar bermoqda.
Bu qaror yangi operasion tizimni diskovodga ega bo'lmagan noutbuklar, ultrabuklarga o'rnatish imkonini beradi. Ko'pincha bunday qurilmalarda vaznni va korpus ichidagi joyni tejash maqsadida DVD-diskovodlar o'rnatilmaydi.
Ayni paytda Microsoft operasion tizimlari DVD-disklarda sotiladi. Bu operasion tizimlarni USB-fleshkadan o'rnatish uchun kompaniya fleshkaga operasion tizim obrazini avtomatik ravishda yuklab, Windows`ni fleshkadan o'rnatish imkonini beradigan maxsus dastur ishlab chiqdi.
Windows 10 operasion tizimi 29 iyuldan boshlab sotuvga chiqarilishi rejalashtirilgan. Windows 7 va Windows 8/8.1 foydalanuvchilari yangi operasion tizimni internet orqali bepul yangilab olishlari mumkin.
