Nepalda halokatga uchragan kichik yo‘lovchi samolyotining bortida bo‘lgan 17 kishining jasadi topildi. “TASS” agentligining halokat sodir bo‘lgan tuman politsiyasi boshlig‘i Raja Xadkaga tayanib ma’lum qilishicha, qolganlarning jasadlari qidirilmoqda.
Aytilishicha, qidiruv va qutqaruv operatsiyasida politsiya va armiya xodimlariga mahalliy aholi vakillari ham yordam ko‘rsatmoqda, ammo ob-havo sharoitlarining yomonligi qutqaruv ishlarini oxiriga yetkazishga xalaqit bermoqda.
Ilgari xabar qilinganidek, Tara Air aviakompaniyasining Twin Otter samolyoti dispetcherlar bilan aloqani yo‘qotib qo‘ygan, shundan beri undan xabar olish imkoniyati bo‘lmagan. Bir muddatdan so‘ng uning halokatga uchragani va barcha yo‘lovchilari nobud lgani ma’lum qilindi.
Samolyot Pokxaradan Jomsom shahriga parvozni amalga oshirayotgan edi.
Oxirgi ma’lumotlarga qaraganda, samolyot bortida 23 kishi bo‘lgan.
Manba
