“O`zavtoyul” poytaxtning “Qo`yliq” va “Abu-Saxiy” bozorlari yonidagi yo`llarni kengaytirishni rejalashtirmoqda. Bu haqda “Sputnik” nashri xabariga asoslanib "Darakchi" ma'lumot bermoqda.
Yo`lning mazkur qismlaridagi tranzit oqim bozorga yo`nalgan tarnsport oqimidan ajratiladi. Buning uchun Kichik Xalqa yo`li atrofida yana bir qancha mahalliy yo`llar quriladi.
Bozorga kirayotgan va chiqayotgan avtomobillar Kichik xalqa yo`liga to`g`ridan –to`g`ri emas, bir necha kilometr masofani bosib o`tgan holda sekin-asta qo`shiladi.
Jamoat transporti uchun asosiy trassadan qo`shimcha yo`lli maxsus yo`laklar va yo`lovchilarni tushirib, chiqarish imkonini beruvchi yo`l tarmoqlari quriladi.
Mana shunday chora-tadbirlar bozorlar oldidagi tirbandliklarni bartaraf etadi. Ikki bozor yaqinidagi yo`l qurish ishlarining birinchi bosqichi allaqachon boshlangan.