Rim papasi Fransisk butun dunyoda o‘lim jazosini man etishga chaqirdi. Bu haqda “TASS” xabar bermoqda.
“O‘lim hukmining bekor qilinishi bo‘yicha xalqaro kelishuvga erishish barcha hukmdorlarning vijdoniga havola. Ulardan katolik bo‘lganlarini bu yil birorta ham oliy jazo chiqarmaslikka chaqiraman”,— deya ta’kidlagan papa.
Papaning aytishicha, bugungi jamiyat jinoyatchini tavba qilish imkoniyatidan mahrum etuvchi so‘nggi chorasiz ham jinoyatchilikka qarshi kurashishning samarali usullariga ega. Fransisk Rimda adliya vazirlarining “O‘lim jazosi bo‘lmagan dunyo uchun” deb nomlangan 9-xalqaro kogressi ish boshlashi arafasida mazkur mavzuga murojaat etdi.
