Saudiya Arabistoni hukumati 2016-yil boshidan buyon 69 kishiga nisbatan o‘lim jazolarini ijro etdi, deya xabar bermoqda “Interfaks”.
Xususan, 1-mart, seshanba kuni besh kishi qatl etildi. Ulardan ikki nafari — iordaniyalik va saudiyalikni qirollikka metamfetaminning yirik partiyasini kontrabanda qilish bilan bog‘liq ikki xil jinoiy ish bo‘yicha qatl etishdi. Qirollikning yana ikki fuqarosini va bir nafar qatarlikni qotillikda ayblab, o‘ldirishdi.
Nashr ta’kidlashicha, eng ko‘p hukm 2-yanvar kuni ijro etilgan, o‘shanda “Al-Qoida” bilan aloqalarda ayblanib, 47 kishi qatl qilingan edi.
2015-yilda mamlakatda 153 ta, 2014-yilda esa 87 ta o‘lim jazosi ijro etilgan edi.