Rossiya prezidenti Vladimir Putin Saudiya Arabistoni qiroli Salmon bin Abdulaziz al-Saud bilan telefon orqali muzokaralar o‘tkazdi. Bu haqda “RBK” xabar bermoqda.
Kreml matbuot xizmatining ma’lum qilishicha, Putin muloqot chog‘ida Suriyada tinchlik o‘rnatish bo‘yicha Moskva va Vashingtonning qo‘shma bayonotida aks etgan takliflar mazmunini bayon qilgan. O‘z navbatida, qirol “erishilgan kelishuvlarni ma’qullab, ularni amalga oshirish jarayonida Rossiya bilan hamkorlikda ishlashga tayyorligi”ni bildirgan.
Shuningdek, 24-fevral, chorshanba kuni Putin Eron prezidenti Hasan Ruhoniy va Isroil bosh vaziri Binyamin Netanyaxu bilan ham telefon orqali muloqotlar o‘tkazgan.
Eslatib o‘tamiz, oldinroq Putin Bashar Asad bilan Suriyada jangovar harakatlarni to‘xtatish masalalarini muhokama qilgani haqida xabar berilgandi.
