Forbes nashri 2015 yildagi eng omadli komediya aktyorlari reytingini oshkor qildi. «Saynfeld» va «Saynfeld do'stlari bilan kofe izlashda» teleseriallari orqali mashhur bo'lgan amerikalik stendap-komik Jerri Saynfeld mazkur ro'yxatning birinchi pog'onasidan o'rin egalladi.
Aktyor 2014 yil iyun oyidan 2015 yil iyuniga qadar 36 million dollar ishlab topgan.
Saynfeld, shuningdek, CelebrityNetWorth tomonidan tuzilgan dunyoning eng boy komik aktyorlari reytingida ham birinchi o'rinda tilga olinib, uning holati 800 million dollar deb baholandi.
Forbes reytingida ikki o'rinda amerikalik aktyor, “Eng qo'rqinchli kino 3” va “Erkaklardek fikrla” filmlari orqali mashhur bo'lgan Kevin Xart qayd etildi. Bir yil davomida u 28,5 million dollar ishlab topdi. Uchinchi o'rinni texaslik qiziqchi, parodiyachi va qo'shiqchi Terri Feytor egalladi.
Bu davr ichida u o'z qo'g'irchoqlari bilan tomoshalar uyushtirib, 21,5 million dollar daromad ko'rgan.Forbes o'ntaligidan bir yillik daromadi 19 million dollar bo'lgan Rassel Piters, Lui Si Key (9 mln) va Devid Shapell (7,5 mln) ham o'rin egalladi.
Forbes ma'lumotiga ko'ra eng ko'p maosh oladigan kinoaktyor sifatida kichik Robert Dauni (yillik daromadi 80 million dollar), kinoaktrisalar qatorida esa Jennifer Lourens (52 mln) qayd etilgan.