To'g'ri qo'yilgan maqsad - yarim muvaffaqiyatdir. Biz hayotimizda ulkan muvaffaqiyatlarga erishishimiz uchun o'z oldimizga ko'plab maqsadlar qo'yishimiz kerak…
Maqsadlar bilan yashashimiz lozim. Bir kichikroq maqsadga erishgandan keyin kattaroq maqsad qo'yishimiz va shu orqali o'zimizni muvaffaqiyat sari etaklab borishimiz darkor. Lekin ko'p xollarda maqsadlar yon daftarning saxifalarini bezab turadi xolos yoki bo'lmasam xayolot ummoning tubsiz jariga g'arq bo'ladi. Maqsadlaringiz hayolotga aylanib qolmasligi, orzular armonga aylanib qolmasligi uchun ushbu maqolani diqqat bilan o'qing… 1954 yilda Piter Druker maqsad qo'yishning SMART tizimi qoidalarini yaratdi. Maqsad qo'yishning bu tizimini qo'llash shunchalik oddiy va samaraliki, SMART maqsadlar texnologiyasi ko'plab muvaffaqiyatli insonlarning sevimli mashg'ulotiga aylandi. Keling SMART maqsadlar texnologiyasi bilan tanishib chiqamiz. SMART – bu: S – specific – aniq, M – measurable – o'lchab bo'ladigan, A – achievable – erishish mumkin bo'lgan, R – relevant – muvofiq, munosib, T –timed – aniq bir vaqtga biriktirilgan. Demak SMART tizimi qoidasiga ko'ra, maqsad - aniq, o'lchab bo'ladigan, erishish mumkin bo'lgan, muvofiq, aniq bir vaqtga biriktirilgan bo'lishi kerak. Keling birgalikda o'zimizga SMART maqsad qo'yamiz. Aniq maqsad. Sayt yaratishni va u orqali pul ishlashni xoxlayman. O'lchab bo'ladigan maqsad. Bu mezon orqali siz maqsadingizga erishdingizmi yo'qmi tekshirib bilasiz. Bizning SMART maqsadimizning ushbu mezoni: bitta sayt kuniga 5000 foydalanuvchi tashrifi va oyiga bir million so'm daromad bilan. Erishib bo'ladigan maqsad. Bunday maqsad qo'yayotgan payt ikki narsaga e'tibor berish kerak. 1. Sizning maqsadingiz qaysi soxaga tegishli? 2. Imkoniyatlaringizni (bilim, tajriba, ko'nikmalaringizni) to'g'ri baholay bilishingiz… Men sayt yaratish va undan pul ishlab topish to'g'risida 10 yildan buyon qiziqaman. O'ylaymanki menda ham bilim, ham tajriba, ham kerakli ko'nikmalar mavjud. Muvofiq maqsad: Bu maqsad sizning boshqa global xayotiy maqsadlaringizga muvofiqmi? Ha muvofik. Bu maqsad global.
Maqolani tayyorlashda Biznestrener.uz sayti ma'lumotlaridan foydalanildi.
