O‘zbekistonda Lenovo P780 smartfoni sotila boshladi, deya xabar bermoqda “Mobinfo.uz”. Uning asosiy o‘ziga xos jihati 4000 mA/s sig‘imga ega akkumulyatoridir. Ishlab chiqaruvchilar ma’lumotlariga ko‘ra, bir marta olgan quvvati telefonga 43 soat suhbat rejimida va 35 kun kutish rejimida ishlash uchun yetadi.
Lenovo P780 2014-yilda taqdim etilgan bo‘lib, u 5 dyuymli va 1280×720 pikselli IPS-displey, to‘rt yadroli MediaTek MTK 6589W protsessori, 1 Gb tezkor va 4 Gb ichki xotira (+microSD), 8 megapikselli asosiy va 0,3 megapikselli old kamera bilan jihozlangan.
Smartfon Android 4.2 operatsion tizimida ishlaydi.
Toshkentning “Fleshka” savdo majmuasida Lenovo P780 800 ming so‘mga sotilmoqda.
