UzMobile GSM tarmog‘i GSM standartidagi mobil aloqa operatorlarining xalqaro tashkiloti — GSM assotsiatsiyasining to‘laqonli a’zosiga aylandi , deb xabar bermoqda “Infocom.uz”.
Bu UzMobile GSM abonentlariga yaqin vaqt ishida assotsiatsiya a’zolari bilan dunyoning istalgan nuqtasida avtomatik xalqaro rouming xizmatidan foydalanish imkonini beradi.
Ma’lumot uchun, GSM assotsiatsiyasi bugungi kunda 220 mamlakatning 800 dan ortiq GSM operatorlarini birlashtirgan bo‘lib, uning a’zolari butun dunyodagi mobil aloqa abonentlarining 82 foizdan ko‘prog‘iga xizmat ko‘rsatadi.
