Vinchester koshonasi Kalifroniya shtatining San Jose shahrida joylashgan tarixiy bino bo’lib, arvohlar makon tutgan joy sifatida mashhur .
Koshona eng g’ayritabiiy binolardan biri sifatida e’tirof etiladi hamda u haqida turli hil vahimali hikoyalar mavjud. Shunday voqealarning birida aytilishicha, qurol-yarog‘ kompaniyasi (Vinchester) asoschisining rafiqasi Sara Vinchester yoniga erining o’limidan so’ng folbin ayol keladi. Folbin unga g’arbga ko’chib ketib, u yerda Vinchester qurollaridan halok bo’lganlar hotirasiga uy qurishi kerakligini aytadi. Shuningdek bu uy qurilishi butun umr davom etishi kerakligi, aks holda arvohlar uni hech qachon tinch qo’ymasligini ta‘kidlaydi.
Aslida Sara Vinchesterni ta’qib qilgan hamda Vinchesterlar koshonasiga o’rnashib olagn yovuz ruhlar haqidagi hikoyalarning barchasi cho’pchak bo’lib, ular tijorat yo’lida to’qib chiqarilgan. Bunday afsonalarni to’qish esa Sara Vinchester o’limidan so’ng koshonaga egalikni qo’lga kiritganlarga kerak bo’lgan edi. Ularning asosiy maqsadi ushbu koshonaga sayyohlar oqimini ko’paytirib, mo’maygina daromad ishlash edi. Ular hatto koshona bo’ylab sayohat tashkil qiluvchilarga uy haqida vahimali hikoyalarni aytib berishni talab qilishar edi. Bunday vahimali voqealar hamda tunda uyushtiriladigan sayrlar kishida boshqacha taasurot qoldirib, sayyohlar keti uzilmasligini hozirgacha ta’minlab kelmoqda.
U yerga tashrif buyurgan odamni shuningdek binoning g’alati arxitekturasi hayratga soladi. Buni esa yovuz ruhlar bilan bog’laydiganlar talaygina. Aslida esa Vinchester xonim uyni qurishda arxitektor yollamay, o’z bilimlari hamda duradgorlar yordamiga tayanagni uchun hech qayoqqa olib bormayidgan eshik va zinalar, kerak bo’lmagan joyda eshik yoki derazalar mavjud.
