Iroqda IShID terrorchi guruhi tomonidan 2014-yilda Tikrit shahrida sodir etilgan qirg‘inda ishtirok etgan 40 kishi o‘lim jazosiga hukm qilindi. Bu haqda AFP agentligiga tayangan holda Meduza sayti xabar bermoqda.
2014-yilning iyunida Tikrit shahrini egallagan jangarilar qurolsizlantirilgan kursantlar va harbiy xizmatchilarni yoppasiga qatl qilgan edi. Huquqni himoya qiluvchi tashkilotlarning ma’lumot berishiga qaraganda, o‘shanda kamida 800 kishi o‘ldirilgan. IShIDning axborot kanallari orqali qurbonlar soni 1700 kishini tashkil qilgani aytilgan edi.
IShID o‘z tashviqotida Tikritda uyushtirilgan qirg‘in sahnalari aks etgan suratlar va videolavhalarni tarqatgan edi.
