Britaniyaning City & Guilds kompaniyasi o'tkazgan tadqiqotga ko'ra, kosmetolog va sartaroshlar ushbu kasbni tanlaganliklaridan baxtiyor ekanlar. 20 xil kasb egalari bo'lgan 1000 nafar kishi orasida o'tkazilgan so'rovda o'z ishidan qoniqmaydiganlar quruvchilar ekanligi ma'lum bo'ldi. Shunisi borki, ushbu so'rovda maosh o'z kasbidan qoniqishda asosiy omil deb olinmagan.
Tadqiqotchilarning xulosa qilishlaricha, ish joyidagi muhit va ahil jamoa boshqa barcha omillardan ko'ra muhimroq ekan. City & Guildsning bosh direktori Bob Koeytsning aytishicha, kompaniyalar maosh miqdori xodimlarning ish samaradorligini oshiradi degan fikrda bo'lmasligi kerak. Birinchi navbatda ish joyidagi zo'riqish va asabiylashish darajasini pasaytirish lozim. Aks holda ish samaradorligi rahbarlar kutganidek bo'lmaydi.
"Baxtli kasb egalari” ro'yxati quyidagicha ko'rinish oldi:
1. Kosmetologlar.
2. Sartaroshlar.
3. Harbiylar.
4. Bosh oshpazlar.
5. Sotuvchilar.
6. O'qituvchilar.
7. Marketologlar.
8. Buxgalterlar.
9. Kotibalar.
10. Suv quvurlarini sozlovchilar.
11. Muhandislar.
12. Arxitektorlar.
13. Jurnalistlar.
14. Avtomexaniklar.
15. Kadrlar bo'limida ishlovchilar.
16. Axborot markazlari xodimlari.
17. Internet texnologiyasi mutaxassislari.
18. Hamshiralar.
19. Bankirlar.
20. Quruvchilar.
Manba: Biznestrener.uz