Qizlar bilan tanishishning turli xil usullari mavjud. Qaysi birini tanlashingizdan qat’iy nazar, agar siz yahshi kayfiyat va dadil tabassum bilan yaqinlashsangiz, 99% hech bir qiz sizni rad etmaydi. Bugun Gooper.uz'da qizlar bilan tanishishning eng ishonchli usullarini taqdim etamiz.
Masalaning murakkabligi nima? Qiz Siz bilan muloqotni davom ettiradimi yoki ismini aytishi bilan orqasini o’girib, boshqa tomonga qarab ketadimi? Hamma gap shunda!
To’g’risini aytganda, go’zal jins namoyondalariga surbetlarcha siyqasi chiqqan iboralar bilan gap otadigan betakalluf, betarbiya yigitlar yoqmaydi.
Har qanday qiz diqqatni o’ziga jalb qila oladigan, qiziq suhbat qura oladigan, aqlli va yoqimtoy yigitlar bilan tanishishni istaydi.
Keling yahshisi, qizlar bilan tanishuvning eng oddiy usullarini birma bir ko’rib chiqamiz.
Hammasi nigohdan boshlanadi. Yaqinlashishdan oldin qizga diqqat bilan qarang. Nigohingiz moyilligingizni bildirsa, muloyim tabassumingiz eng ezgu niyatda ekanligingizni ifodalamog’i kerak. Qizlarga ba’zan yigitlarning xijolat tortishi ham yoqadi. Unga qat’iyat bilan qarang, javob tariqasidagi nigohni ko’rishingiz bilan xijolatomuz kulib qo’ying va bir-ikki soniyadan keyin teskari o’girilib oling. Agar Siz qizni qiziqtirib qolgan bo’lsangiz, u Sizni nazardan qochirmaydi. Ana shundan keyin qo’rqmasdan yaqinlashib, bemalol tanishishingiz mumkin.
Do’konda qizlar bilan qanday tanishish mumkin?
Siz haridingiz davomida lobar qiz bilan tanishishingiz mumkin. Agar xonim biror narsani diqqat bilan tanlayotgan bo’lsa, yoniga kelib: ”Kechirasiz, yahshi qiz, diqqatingizni bo’lganim uchun uzur, menga singlim(jiyanim) uchun sharbat (o’yinchoq) tanlashda yordam bera olmaysizmi?” deb so’rashingiz mumkin. Erkaklarning yosh bolalarga nisbatan g’amxo’rligi ayollarning ko’nglini eritib, qiziqishini kuchaytiradi.
Transportda qizlar bilan qanday tanishish mumkin?
Bu yerda kinoteatr (teatr, klub)ga qanday yetib olish haqida so’rash mumkin. U yerda yaqinda qiziqarli spektakl (guruhning chiqishi) bo’lishini, Siz ushbu aktyor (qo’shiqchi)ning ijodiga qiziqishingizni va shuning uchun bilet xarid qilish uchun ketayotganingizni qo’shib qo’yishingiz mumkin. Shundan keyin u qiz nimaga qiziqishini so’rash, uni qo’llab- quvvatlash va biror joyga borishga taklif qilish mumkin. Bo’sh vaqtni qanday o’tkazish haqidagi iliq suhbat qizlarga xush yoqadi. Muyulishdagi bardagi do’stlari va pivoga emas, teatrga, san’atga qiziqadigan yigitlar qizlarning hurmatiga sazovor bo’ladi.
Foydasi tegadigan ayyorona maslahatlar ;)
1. Qizlar bilan so’kinmasdan, mujmal so’zlarni ishlatmay gaplashing.
2. Ko’proq jilmaying va suhbatdoshingizga e’tiborli bo’ling. (Bu bilan faqat kulishingiz kerak demoqchi emasmiz!)
3. Gapni boshlasangiz, jim bo’lib qolmang, ketmoqchi bo’lsangiz, chiroyli xayrlashing: Yordamingiz uchun raxmat; Tanishganimdan xursandman; Yana uchrashamiz degan umiddaman; Hayrli kun;”
Rashk qo’zg’ang!
Rashk faqat mavjud bo’lgan munosabatlarda bo’lmaydimi? Qanday rashk haqida gap ketayapti? -deyishingiz mumkin
Mana bunday! Biror qiz bilan muloqotni boshlang, keyin boshqasi bilan. Lekin aynan yoqtirib qolganingizga umuman e’tibor bermang.
Nega boshqa qizlarga qarab, unga e’tibor bermaganingiz u qizni aniq qiziqtirib qo’yadi.
Muloqot qilganda uzoq suhbat shart emas, shunchaki bir-ikki og’iz gaplashsangiz kifoya.
“Yoqtirgan qizingizga” imkoni boricha e’tiborsiz bo’ling. Bu qiziqishni yanayam kuchaytirish va tanishuv albatta amalgam oshishi uchun kerak. Ana undan keyin mo’ljallagan qizingizni oldiga borib, bir-ikki og’iz gaplashib, telefon raqamini olishingiz mumkin.
Aytganday, pari qanchalik go’zal bo’lsa, usulning samaradorligi shunchalik kuchli bo’ladi! Bu ish bermaydi, deb o’ylasizmi? Unda tekshirib ko’ring!
