Britaniyalik juftlik - 41 yoshli Entoni Li va 36 yoshli Meri Jons-Li dunyoda birinchi bo'lib Islandiyadagi ulkan muzlik ichida turmush qurishdi. Bu haqda Daily Mail xabariga asoslanib "KUN.UZ" ma'lumot bermoqda.
Bayram marosimi taxminan Laungyekyudl muzligining 40 metr chuqurligida va minus ikki daraja sovuqda bo'lib o'tdi. Kelin-kuyovni 19 nafar mehmon kuzatib bordi.
To'yning umumiy qiymati 9 ming yevroni tashkil etdi (uchib borib-kelish narxi bilan birga). Undan muzxona ichida joylashgan ibodatxonani ijaraga olish uchun 2,2 ming yevro sarflandi.
Laungyekyudl kattaligi bo'yicha Yevropada ikkinchi o'rinda turadi.
