59 yoshli Mark Smit (Mark Smith) Vatsonvill shahridagi banklardan biriga pul o'g'rilash uchun bosqinchilik qiladi va xodimlarga unda bomba borligini, agar hoziroq 2000 dollar berishmasa, portlatishini aytadi.
Ammo bank menejeri Smitni ushbu pullarni kreditga olishga ko'ndiradi.
Smit xotirjam kutar ekan, bank xodimi hujjatlarni rasmiylashtirdi. Bu vaqt oraligida esa menejer politsiyaga qo'ng'iroq qildi. “Jinoyatchini chalg'ita olgani uchun sodir bo'lishi mumkin bo'lgan jinoyatning oldi olindi”, - deb yozadi Santa Cruz Sentinel gazetasi politsiya leytenant Darren Tompsonning gaplariga tayanib.
Politsiya Smitni qo'lga oldi. Surishtirish natijalari shuni ko'rsatdiki, aslida Smitda hech qanday bomba bo'lmagan, deydi leytenant Tompson.
