4-sinf o'quvchisi Zafarbek Xolmirzaev smartfondagi tasvirni ekranda kattalashtirib ko'rsatadigan qurilma proektorni kashf qildi. Bu haqda uning opasi Mohlaroyim Qayumova feysbukdagi sahifasi orqali ma'lum qilgan, deb yozadi "Kun".
U bu ixtirosi orqali “Jajji akademik” jurnalining Akademik bolaman” nomli tanlovida ishtirok etmoqda.
Yosh ixtirochi bu moslamani uy sharoitida yaratgan. Bunda optik lupadan tasvirni kattalashtirish vositasi sifatida foydalangan. Ixtirochining ta'kilashicha, bu yo'l bilan har qanaqa smartfon foydalanuvchisi mobil qurilmasi uchun proektor yasashi mumkin.
Zafarbek Xolmirzaev Toshkent viloyati Qibray tumani 1-o'rta ta'lim maktabida tahsil oladi. Mobil aloqa vositalari uchun ovoz kuchaytiruvchi apparatlar, smartfon uchun 3D ekran va boshqa qiziqarli kashfiyotlar qilgan. Zafarbek kelajakda teleportatsiyani ham ixtiro qilmoqchi.
“Jajji akademik” jurnali Akademik bolaman” nomli tanlov o'tkazmoqda
