Youtube tarmog’iga NorniTUBE nomli foydalanuvchi tomonidan joylangan “Tashqi ko’rinish ahamiyati“ deb nomlangan videorolikda qiziq bir tajriba natijasi ko’rsatilgan. Unda abgor kiyingan kishi va yaxshi kiyingan kishi ikki hil vaqtda ko’chada kasal kishi kabi yerga qulaydi. Ular g’ujanak bo’lib yotib olib, yordam so’ray boshlaydilar. Tajriba natijasi esa juda achinarli bo’lib chiqdi.
Abgor kiyingan odam 5 minut yordam so’rab yerda yotdi. Afsuski unga yordam qo’lini cho’zadigan topilmadi. Kostyum-shim kiygan odam qulab tushishi bilan unga yordam berishga oshiqqanlar ko’paydi.
Shuningdek, videorolik davomida AQSh shifohonalaridan birining kutish zalida bir odam o’tirgan joyidan yiqilib, 45 minut davomida e’tibordan chetdan qolib ketishi natijasi o’lim bilan tugagani haqida ham hikoya qilinadi.
Bu tajribadan maqsad esa odamlarni hushyor bo’lishga chaqirish edi. Ko’chada kimdir yordam so’rab yoki jim yotgan bo’lsa, tashqi ko’rinishi yoki kiymiga qaramay, tez yordamga shoshilish kerak. Chunki bu holatga o’zimiz yoki yaqinlarimiz ham tushib qolishi mumkin. Bunday vaqtda har bir daqiqa inson hayotini saqlab qolish uchun muhim rol o’ynaydi.
Sizchi? Videorolikdagi abgor kiyingan birinchi odamga yordam qo’lini cho’zgan bo’larmidingiz?
manba: youtube.com