Braziliyalik mexanik Alfredo Mozer 2002-yilda oddiy 2 litrlik baklashkaga suv to’ldirib, rangi o’zgarmasligi uchun idshisning ichiga ikki tomchi oxor solib qo’yadi. Natijada, uylarni bemalol yorita oladigan bepul lampochkani kashf etadi.
Tasodif bilan yuzaga kelgan ushbu kashfiyot hozirda dunyoning turli burchaklarida elektr energiyasi yetib bormagan hamda muhtoj oilalar uylarini bepul yoritib kelmoqda. Masalan, hozrida 40% aholisi kuniga 2 AQSH dollaridan kam daromad olib yashaydigan Filippinda ushbu g’oya asosida yoritilayotgan kam daromadli xonadonlar soni 25 mingdan ortiq bo’lib, ushbu ko’rsatgich 1 milliontaga yetishi kutilmoqda. Kun davomida ushbu lampochkalar kamida 55 voltga ga teng quyosh yorug’ligini xonaga yetkazib beradi. Uni tayyorlash uchun esa 5-10 minut vaqt va ozgina homashyo sarflanib, 1 AQSH dollari atrofida sarf-harajat ketar ekan.
Ushbu lampochkani tayyorlash uchun bizga ikki litrlik baklashka, suv,tunuka parchasi, oxor, suv o’tkzmaslik uchun ishlatiladigan suyuq rezina suyuq saqich yoki qora qog’oz kerak bo’ladi and uni tayyorlash quyidagicha amalga oshiriladi:
1.Kichkina tunuka parchasini (23×25 sm) oling va uning o’rtasidan dumaloq teshik oching. Parrak qilib teshilsa, baklashka yanada yaxshiroq o’rnaydi.
2.Baklashka teparoq qismiga qum-qog’oz bilan ishlov berib, tayyorlab qo’yilgan tunuka parchasiga o’rnating.
3.Suv o’tib ketmasligi uchun tunuka parchasiga o’rnatilgan baklashka atrofini suyuq rezina yoki suv o’tkazmaydigan boshqa suyuqlik bilan qoplab chiqing.
4.Baklashkaga suv to’ldiring va 10 ml (ikki tomchi) oxor quyib, qopqog’ini yaxshilab yopib qo’ying.
5.Binoning tomidan baklashkaga mos teshik oching. Baklashkani ushbu teshikka joylab, baklashka o’rnatilgan tunukani tomga mix bilan yaxshilab mustahkamlang. Tomdan chakki o’tmasligi uchun tunuka atrofini suyuq rezina yoki suyuq qora saqich bilan qoplang. Shu o’rinda qora qog’ozdan ham foydalansangiz bo’ladi.
Baklashka Lampochka tayyorlash yo'lini quyidagi video orqali yanada yaxshiroq o’rganishingiz mumkin:
Internet manbalari asosida tayyorlandi.
