Pokiston maxsus xizmatlari mamlakat g‘arbi, Belujiston viloyatida “Tolibon” harakatining 14 nafar jangarisini qo‘lga oldi. Bu haqda “TASS” xabar bermoqda.
Maxsus operatsiya viloyat markazi Kvettadagi turar-joy dahalaridan birida amalga oshirildi. Jangarilar xususiy uylardan biriga yashiringandi.
Ayni paytda qo‘lga olinganlar so‘roq qilinmoqda. Tergovchilar ular orasida harakatning nufuzli dala qo‘mondonlari bo‘lishi mumkinligini istisno etmagan.