Porsche ishlab chiqarish va texnik ishlanmalar uchun 1,1 mlrd evrodan ko'proq mablag' investisiya qilishni rejalashtirmoqda, deb yozmoqda Deutsche Welle nashri. Mablag'lar kompaniyaning Suffenxauzendagi bosh korxonasi, Vaysax va Lyudvigsburgdagi filiallariga 2020 yilgacha kiritiladi.
Porsche boshqaruv raisi Mattias Myuller bu investisiyalar dvigatellar ishlab chiqarish sohasidagi yangi texnologiyalar, ishlab chiqarishni raqamlashtirish va atrof-muhit muhofazasiga qo'yilayotgan yuqori talablar bilan bog'liq ravishda amalga oshirilayotganini ma'lum qildi.
Suffenxauzenda dvigatel va kuzov yig'uvchi yangi sexlar quriladi. 2016 yilning o'rtalaridan korxonada nafaqat 911 va Boxster modellari, balki Porsche Cayman yo'ltanlamas avtomobillari ham ishlab chiqarilishi mo'ljallanmoqda.
