Mark Sukerberg bilan sudlashib, Facebook’ni qo‘lga kiritmoqchi bo‘lgan va oqibatda firibgarlikda ayblangan Pol Selya o‘zining Nyu-Yorkdagi uyidan izsiz yo‘qoldi, deya xabar bermoqda “Rossiyskaya gazeta”.
Pol Selya ustidan sud jarayoni may oyida bo‘lib o‘tishi kerak edi. 9-mart, dushanba kuni Selyaning advokati Robert Fogg uning yo‘qolganini ma’lum qildi. U sudni kutish davomida taqib yurishi kerak bo‘lgan elektron bilaguzuk uyidan topilgan. AQSh Federal marshallar xizmati hodisa yuzasidan izoh bildirganicha yo‘q.
Nashrning eslatishicha, Pol Selya 2010-yilda Mark Sukerbergni sudga berib, Facebook’ni birgalikda yaratganliklarini va uning 84 foiziga haqqi borligini ta’kidlagan edi. Biroq sudda u buni isbotlay olmadi, taqdim etilgan hujjatlar esa soxta deb e’tirof etildi. O‘tgan yil noyabrida esa Sukerberg huquqshunoslari Selyaning advokatlariga qarshi da’vo berdi.
